onze buren die hebt kippen, wel 80 van die beesten
zie hebt 'n knoepert van 'n erf, moar waor dacht i-j loopt de meesten
die hoender kakelt heel wat af, dat geet moar dom vandan
mien vrouw kump der hoast niet boaveruut en zie kan d'r toch ok wat van

ik bun laats noar die buurvrouw ewes, dat mens is toch zo'n kreng
ik zeg ik kom ow een deuze vol vol met kippenköttels brengen
dat wief dat kek mien vroagend an en haalt de schouders op
en zeg wat mo'k met köttels, vret ze zelf moar op

bi-j ons veur 't huus, bi-j ons veur 't huus
doar is 't altied pröttel
bi-j ons veur 't huus, bi-j ons veur 't huus
doar ligt de hoenderköttels

laats toen was'k 't meer dan zat en heb 'k de buks gepak(t)
ik ze veur de konte schott'n, ik knall'n ze zelfs van dak
mien buurvrouw bel'n de politie op. die kwam met völ kabaal
en ik onschuldig kreeg de schuld en 'n proces verbaal

bi-j ons veur 't huus, bi-j ons veur 't huus
doar is 't altied pröttel
bi-j ons veur 't huus, bi-j ons veur 't huus
doar ligt de hoenderköttels

toen heb ik de buren vriend'lijk evroagd, bouw toch es een renne
zo'n ruumte woar de kippen loopt en hökskes veur de henne
mien buurman wol doar echt niet an, zo eigenwies is hie wel
hie zegt die kippen mot loslopen, dan komt ze mooi in 't vel

bi-j ons veur 't huus, bi-j ons veur 't huus
doar is 't altied pröttel
bi-j ons veur 't huus, bi-j ons veur 't huus
doar ligt de hoenderköttels

de köttels legt de kippen bi-j ons, moar de eier bi-j de buren
as ik dan soms 'n ei wil jatten, stoat ze weer te gluren
de moed is mien in de schoen'n ezakt, 't is een ware hel
as ik dan weer mien buurvrouw zie, dan krieg ik kippevel

bi-j ons veur 't huus, bi-j ons veur 't huus
doar is 't altied pröttel
bi-j ons veur 't huus, bi-j ons veur 't huus
doar ligt de hoenderköttels