Mien gevuul zei 't is oaver
Doar is niks meer dat oons bindt
Toen ik ow met um zag proaten
Dacht ik wat was ik toch blind
Woar wi-j beien mossen weazen
Was hie altied in de buurt
Wat of hie veur krante leazen
Hie hef ow altied begluurd

Den gluiperd zei dat hie mien vriend was
Dat hie mien zo aardig von
Dat hie völ van mien kon leren
En doarvan profiteren kon
Hie wol mien soms ok geerne helpen
En doar zat 'm net de kneep
Want hie hielp alleen moar
Van de gavel in de greep

Den achterbakse zak is now vertrokken
En i-j der achteran
Den slappen held op sökken
Den nergens wat van kan
Jullie vlucht moar noar Timboektoe
Of woar dan ok op an
Of noar wet ik wat veur hoek toe
Doar heb ik gin last meer van