Ik vroeg an un mooie meid, wil i-j mien motor zien
Dat is un dikken v-twin, den löp tweehonderdtien
Goa moar met - stap moar achterop
Ik veur ow un helm, zet den op ow kop
Moar toen ik flink völ gas gaf, slaken zi-j un gil van schrik
Dat was snel vergetten, want doarnoa kreeg zi-j pas schik

Deur de roffel van den motor met heur armen um mien hen
Smiet ik hum deur de bochte, umdat ik de weg hier ken
Wi-j goat rechts, de zandweg op
Doar wet ik un plekjen, ik denk dat ik doar stop
Moar as ik de bocht um vliegem met in flinken gang
Steet doar un trekker met un wagen, wel 15 meter lang

De romantiek was inens veurbi-j, deur un waterplas
Wanneer i-j in de remmen mot, dan geef i-j te völ gas
Dus kiek now moar goed uut, dat ow dat niet gebeurd
As i-j met zien beiden, deur de bocht hen scheurt

Wi-j schotten van de weg af, zo deur ut struukgewas
Wi-j gingen rakelings langs de beume, zo in de waterplas
Wi-j gingen kopje onder, de motor was ik kwiet
Wanneer ik proestend boven kom, dan zie ik heur ok niet
Doar duukt zi-j toch nog op, terwijl zi-j vluukt verdomme
Dus bunt wi-j met zien beiden, noar de kant gezwommen