As ik ow zeg dat ik niet weer met ow wil proaten
Dan doek dat toch, want anders zeg ik ow dit niet
Ach weas niet bang mien schat, ik wil ow niet verloaten
As't an mien lig raak i-j mien nog lang niet kwiet

Ik zag ow stoan en dacht met ow wil ik wel sloapen
Alleen wil i-j meteen een huus, boom en een beest
As i-j verkering wil dan köw doar oaver proaten
Moar van mien vri-jheid, doarvan hol ik toch 't meest

Ik wil best samen met ow buuten oaver stroate
Een fijne toekomst, ja dat ligt in 't verschiet
En ok dat biertjes drinken kan ik wel met moate
Moar olde jonges krintebrood dat lus ik niet

Ik heb gin zin um samen bandjes te goan kieken
Goa'k motorri-jen meug i-j ok niet achterop
Toch wil ik dat wa'w hebt ok niet meteen verzieken
A-j mien verloat kom ik der nooit meer boavenop